CERITA - NA LAO MANGIDO PARMANISAN TU DATU

Najolo manang najukkani, ni ingot kodo masa-masa martandang.

Dohot wajah  pas-pasan lao ma iba martandang tu huta ni deba……
Je somalna do angka doli-doli mamereng haulion ni anak boru/namarbaju. Jala rata-rata do sudena
sisongon I akka doli-doli, tung pe rupani di dok “Anggo au asalma burju itoan i nga imana hian i” antar songon ima didok. Alai holan pajumpang tu na roa alai burju, godang ma dibaen alasanna, adong ma namandok, “adong kodo hallethu dang mungkin marhallet musek dah”
Je kembali ma tu Judul “Parmanison”
Je molo binereng sahalak anak boru antar songon na uli sai pinajonok, alai sai mandao ittor asing nama pikkiran. Parjolo sahali napinikkiran “Ikkon hubaen tu ho parmanison” Alai kadang nadeba, ala ni bagak na do anak boru gabe dang barani mangantoi, ala olo masantik hu itoan i, ujung-ujungna parmanison tong na karejo.
Je ima jo tusi……..
Disada tikki, digolap-golap ni ari, lao ma si Julluk dohot donganna tu sada huta. Tujuan nasida tusan lao mangalului parmanison tu adong sahalak oppung-oppung. Alana didok donganna on, adong ninna dibereng ibana antar songon na bagak anak boru, alai dang barani imana mangantoi…..
Dung sahat nasida tu tempat tujuan nasida on, ittor denggan do disambut amanta I, ima guru parmanison i.
“Horas oppung………” ninna si Julluk ma tarsongon hata parjolo lao masuk tu jabuna i. atik nabohai, dibereng si Jullukma adong anak boru nauli hundul di jonokkon ni jendela i mamakke sarung-sarung.
“Bah horas ito……!” ninna ibana nanget tu itoan I uhut kenalan
Anggo donganna on nga tok sogo rohana tu si Julluk. Tudia dang sogo, ai sakkap nasida  ro tu si naeng marguru parmanison do alai sai lalap do si Julluk marsuhutan dohot itoan i……
“Lae, satokkin jo…..!” ninna donganna on nanget uhut makkirap dohot tangan ambirangna.
Ditolopi si julluk lao lao nasida satokkin tu luar………
“Ai sukkun ma amanta i, nga bot ari on” ninna ibana marhusip tu si Julluk….
“Olo lae, satokkin nai, antar songon na marsuhutan jo hita antong” ninna ibana nanget paposhon rohana.
“Alana dang tabo molo ittor langsung tadok tu amanta I dah” ninna nanget manambai hatana i.

Je masuk ma nasida tu bagas jabu i musek uhut mekkel suping si Julluk tu itoan ondeng……
Je godang ma suhutan nasida nadua dohot itoan i, mulai sian sikkola rodi parbalohanma dihatai nasida disi.
“Ai aha do margam anggia….” Ninna amanta parguruan on ma tiba-tiba dung sip si Julluk satokkin ala nga habis suhutan. Je mamikkiri suhutan jo imana satokkin.
“Bah…. Oh au marga siadona do opung” ninna siJulluk antar songon na hormat…
“Ba……h je ditanda ho do si anu……”
“Apala bapa nami ma I opung” ninna mangalusi mangalusi…
“Donganmon aha margana?”
“Marga adona opung”
“Bah, ai berekku do ho ra, ai songon na mirip tu si anu……” ninna opputtai…
“Ido oppung, berarti martulang ma au akke?” ninna denggan
Lalap ma marsuhutan hami nian diborngin i, dungi lao ma itoan i maninggalhon hami disi tolu halak.
“Ai apala tok aha naporlu bere asa tung ro hamu?” ninna oppung on ma antong…
Je hupatorang ma denggan manang aha tujuan nami ro tu jabu i……

Tung denggan do hami diadopi amanta i nian, pittor di pajonok tu donganho.
Disukkuni ma goar manang identitas ni nanaeng sidormaan on….
Parjolo dipaboa ma jolo goarna, songonna naik alis ni amanta i huida……
“Boru aha i?” ninna amanta i………..
Burju roha ni bao i dipatorang dohot denggan….. lam tamba naik hubereng alis ni amanta i….. “Boasa naeng narohakku sip”
“Manang tondung-tondung ni amanta ido naeng i?” narohakku musek….

“Songononma i bere….” Ninna amanta i
“Boha tulang”
“Ai paribanmu do i…… adek ni anak boru sinakaningan nahundul dison i..” ninna amanta i uhut manggalaki sigaret na huboan hami i. marmera ma hubereng bohi ni dongan on…. “nga jelek…” narohakku sip.